التحدي .. ( أنا و الصحة )

مساء جمعة جميل , و مبارك علي و عليكم 

أصحا من النوم , و على الجوال على طول , أفطر بشكل غير صحي فقط لسد الجوع . 

و أتغدى أي شيء موجود هل هو مفيد أو لا , أما العشاء هنا الدمار أقلبها دسم .. 

فعلشان كذا اليوم قررت أتحدى نفسي بعد روتيني الممل و اللي أثر سلبيًا على صحتي .

الشيء اللي حفزني على إني أتغير دخولي لحساب مجموعة ميزان في تويتر  @MizanHealth 

حبيت أصير صحية  ,  علشان كذا قررت أقطع الحلويات اللي آكلها بشكل يومي و الشبسات و بالاختصار ( المفرحات ). و أصير أمشي في نظام صحي .

طبعًا في أشياء أساسيه أبجعلها يوميه .. الفواكه و الخضار و التمر و الحليب .. أبحاول قدر الإمكان الإكثار منهم .

عملت لي جدول صحي غذائي , و دخلت معه الرياضة ..

هذا هو الجدول نظمته لي على حسب اللي آكله , دخلت التونة مع إني ما أحبها بس لازم أدخلها لفائدتها ..

راح أوضح أشياء في هذا الجدول

رياضه الصباح اللي أقصد فيها .. هذه الرياضات الموضحة بالصور ..

و الرياضة الأخرى اللي مدتها 45 دقيقه هي مجرد مشي .

و أيضا الشوفان الموجود في الفطور هو هذا الموضح بالصورة

طبعًا أبحاول أمسك نفسي لمده شهر و أشوف مع اني ما أقاوم الأكل خاصة الشوكولاته , و راح أرجع أدون بعد الشهر و أبكتب هل استمرت بالجدول اللي نظمته أم لا

 .. و يارب أعني .. دعواتك يا قارئ