دخلنا اليوم السابع من رمضان , ولله الحمد
... أكلاتنا كل يوم تزيد و كل يوم اشكال و ألوان ...
و الحمد الله على النعمه و العافيه . اللهم أدمهَا
بسسس رمضان ذي السنه غير لانه اول مره اسوي شيء .
يعني بالعربي دخلت " المطبـــــــــــــــــــــخ "
والشيء العجيب اللي سويته حلا و بالعربي كب كيك .
( وفي روايه : Chocolate Cheesecake)
طعمه إجرامي , انصح الكل يسويه <- علشاني مسويته
و بسم الله نبتدئ ,
المقادير :-
كوب دقيق
نصف كوب كاكاو بودرة مُرّه
1 ملعقة شاي B.P
1 ملعقة شاي ملح
ثلاث أرباع إصبع زبده لين
ثلاث أرباع كوب سكر
بيضه
ثلثين كوب حليب سائل بدرجة حرارة الغرفة
الحشوة:-
8 حبات جبن كيري
2 م ك سكر بودره
فانيليا
واحد جالكسي ساده مقطعه قطع صغيره
جااناش الشكولاته:-
100 جم شكولاته خام ومقطعه صغار ( شوكلاته : Faly )
نصف كوب كريمة خفق
نصف ملعقة شاي نسكافيه
الطريقة :-
وزعي الاوراق بصينية الكب كيك ،،
اخلطي ( الدقيق + الكاكاو + الملح + B.P )
في العجانه او بالمضرب الكهربائي اخلطي الزبده والسكر مدة دقيقه او حتى يبهت لونهم ،،
اضيفي عليهم بيضه واخلطي حتى يتجانسون ..
اضيفي عليهم نصف كمية خليط الدقيق واخلطيهم زين بعدين اضيفي الحليب ،
واذا اختلطوا كلهم اضيفي باقي مقدار الدقيق واخلطيهم سوا واتركيه على جنب..
الحشوة :-
اخلطي مقادير الحشوه كلها مع بعض مضبوط حتى تروح كتل الجبنه ،،
في اوراق الكب كيك حطي شوي من خليط الكيك بعدين الحشوه بعدين غطيها بطبقه من الكيك ..
ودخليها الفرن على درجة حرارة 350 مدة 20 دقيقه
وطلعيها واتركيها تبرد .
طريقة الجاناش :-
سخني كريمة الخفق على النار حتى تقارب الغليان بعدين ارفعيها
واضيفي عليها الشكولاته والنسكافيه وحركيهم سوا حتى يذوبون بالكريمه
واتركيها تبرد شوي حتى تثقل وصبيها عالكب كيك
و بعدها خليها تبرد بالثلاجة وطعمها مو بسسسس مزز , إلا يهبل.
و الشكل النهائي , و طبعًا زينووه بأي شيء عنكم ..
الطريقه أخذته من منتدى إقلاع للأمانه , وغيرت فيها شويه ..
وبالصحه و العافيه
" سنعه صح !؟ "
الطباخه مجودي <- مره وحده :p
